ஓர் உருவம் நீர் போலவே
ஓடி கொண்டிருக்கிறது
நிறமற்ற அந்த உருவம் நிற்காமல் எங்கோ
ஓடி கொண்டிருக்கிறது
நீர் போலவே
அதற்கும் உருவமில்லை...
முதல் வாக்கியம் பிழையே !
பிழையை பற்றியெல்லாம்
அது கவலைப்படுவதில்லை
ஓடிக்கொண்டே இருக்கிறது !
நீர் போலவே
இதற்கும் தமிழ்
பெயர் கொடுத்து
உயிர் கொடுத்தாலும்
எல்லா மொழிகளின்
உயிரோசை இதுவே !
இதை பற்றியெல்லாம்
அது வாதம் செய்வதில்லை
ஓடிக்கொண்டே இருக்கிறது !
மேகமாய் மாறி
மழையாய் பொழிந்து
மீண்டும் நீராய்
ஆவது போல் ...
உயிர் இனங்களின்
உயிராய் மாறி
மீண்டும் அதன்
நிலைக்கே திரும்பும்
இந்த உயிருக்கு
காற்று என்று பெயர் !
மரங்கள் காற்றை அசைக்கிறதா
காற்று மரங்களை அசைக்கிறதா
இரண்டுமே சண்டையிட்டு
இவ்வுலகை காக்கிறதா ?!
இதை பற்றியெல்லாம்
அது விளக்கம் கொடுப்பதில்லை
ஓடிக்கொண்டே இருக்கிறது !
அவ்வப்போது நின்றாலும்
மீண்டும் ஓடுகிறது
உயிர்களுக்கு உயிர் கொடுக்க
காலத்திற்கு கால் கொடுக்க
ஓடி கொண்டிருக்க வேண்டும்
என்றெல்லாம் நொடிப்பொழுதும்
இது நினைப்பதில்லை
ஓடிக்கொண்டே இருக்கிறது !
தன் கடமையை தானே
செய்து கொண்டே இருக்கிறது !!!
காற்று
தன் கடமையைத் தானே
செய்து கொண்டே இருக்கிறது !!!
